Сити их сургууль

Сайн байна уу? СИТИ дээд сургуулийн веб сайтын зочин таньд талархал илэрхийлье! Манай сургууль анх 1998 онд байгуулагдсан. 2005, 2010 онд Монгол улсын Боловсролын Магадлан Итгэмжлэлийн Үндсэний Зөвлөлөөр анхан шатны болон ахисан түвшинд магадлан итгэмжлэгдсэн. 2012 онд БСШУЯ- д аттестатчилагдсан. Хувийн хэвшлийн анхны сургуулиудын нэг болох Оюу коллеж 2010 онд, Цог дээд сургууль 2011 онд тус тус манай сургуульд нэгдсэн нь гадаад хэлний болон багшлах мэргэжлийн хөтөлбөр эрхлэх эхлэл болсон. Эдүгээ СИТИ дээд сургууль дотроо 4 салбар сургуультай. Үүнд: – Бизнесийн сургууль – Барилга архитектур-Дизайны сургууль – Урлагийн сургууль – Гоо сайхны сургууль. Эдгээрт 1000 гаруй оюутан, суралцагсад нийт 20 гаруй мэргэжил /хөтөлбөр/- ээр бакалавр, магистр, докторын төвшинд суралцаж байна. Зах зээлийн өрсөлдөөнт өнөө үед бидний нэг давуу тал бол БАЙРЛАЛ… БАЙРЛАЛ… БАЙРЛАЛ… юм. Сити дээд сургууль Улаанбаатар хотын А зэрэглэлийн бүс, Сэлбэ голын баруун эрэгт, сургалт явуулахад нэн тааламжтай орчин нөхцөл бүрдсэн газар оршдог. Манай материаллаг бааз, багшлах боловсон хүчин, сургалтын чанар жилээс жилд сайжирч байна. Гадаад харилцааны салбарт олон төсөл, хөтөлбөр хэрэгжиж байгаа бөгөөд 2013 оноос эхлэн Европын Холбооны дээд боловсролын тэтгэлэгт солилцооны Erasmus Mundus Mobility Asia хөтөлбөрийн Монгол Улс дахь түнш байгууллагаар сонгогдон амжилттай ажиллаж байна. Таньд дуулгах таатай мэдээ бол 2016-2017 оны хичээлийн жилээс англи хэлний сургалттай болж, мэргэжлийн хичээлүүдийг англи хэл дээр явуулах төсөл юм. Ингэснээр манай оюутнууд гадаадын оюутнуудтай мөр зэрэгцэн суралцах болон гадаад улс оронд оюутан солилцоогоор явах, цаашилбал төгсөөд магистр, докторантурт суралцах нөхцөл боломж бүрдэх юм. Мөн ирэх хичээлийн жилд спорт заал бүхий 4 давхар хичээлийн шинэ байр ашиглалтанд орно. Энэ бүхэн монголын дээд боловсролыг олон улсын төвшинд хүргэх их үйлсэд оруулж буй бидний өчүүхэн хувь нэмэр билээ. СИТИ дээд сургуулийн Алсын хараа: Дэлхийн боловсролыг Монголд эзэмших боломж олгоно. СИТИ дээд сургуулийн Эрхэм зорилго: Хүнлэг, соёлтой, өндөр мэдлэг, чадвар бүхий иргэнийг бэлтгэнэ. СИТИ дээд сургуулийн Уриа: Таны ирээдүй- бидний бахархал.

СИТИ дээд сургуулийн Алсын хараа: Дэлхийн боловсролыг Монголд эзэмших боломж олгоно. СИТИ дээд сургуулийн Эрхэм зорилго: Хүнлэг, соёлтой, өндөр мэдлэг, чадвар бүхий иргэнийг бэлтгэнэ. СИТИ дээд сургуулийн Уриа: Таны ирээдүй- бидний бахархал.