Урлагийн сургууль

СИТИ ИХ СУРГУУЛЬ-УРЛАГИЙН СУРГУУЛЬ ТАНИЛЦУУЛГА

УРЛАГИЙН СУРГУУЛЬ нь   2015 оны  онд СИТИ ИХ СУРГУУЛИЙН ерөнхийлөгчийн тушаалаар СИТИ ИХ СУРГУУЛ-ийн  бүрэлдэхүүнд ” Урлагийн сургууль” байгуулагдаж анхны захирлаар Ц.Буян-Орших  томилогдон ажилласан түүхтэй.  Урлагийн сургууль нь: Дуулаач хөгжимдах урлагийн тэнхим, Жүжиглэх урлагийн  тэнхимүүд дээрээ үндэслэн өргөжин  олон улсын жишигт нийцсэн сургалт, эрдэм шинжилгээ, уран бүтээлч төдийгүй нийгмийн хариуцлагаа ухамсралсан  СИТИ ИХ СУРГУУЛИЙН эрхэм зорилго, алсын хараанд нийцсэн мэргэжилтэнг бэлтгэхээр ажиллаж байна.

Манай сургуулийн  зорилго нь гоо зүйн өндөр мэдрэмжтэй, аливаа санааг төрөл бүрийн өнцгөөс харах, үнэлэх, анализ хийх, дүгнэх чадварыг эзэмшсэн, хувийн болон нийгмийн харилцаа, хичээл сурлага, мэргэжлийн ур чадвартай бүхий  олон улсын  тавцанд зөвшөөрүүлэхүйц  урлагийн бүтээлч үйлдвэрлэлийг шинэ түвшинд гаргаж ирэх уран бүтээлч, судлаачдыг  бэлтгэнэ.

  • Урлагийн сургуулийн бүтэц  3 тэнхимтэй 8 хөтөлбөр хэрэгжүүлж байна. Үүнд:
    • Дуулаач, хөгжимдөх урлагийн тэнхим
    • Жүжиглэх урлагийн тэнхим
    • Бүжгийн урлагийн тэнхим
  • Хэрэгжүүлж буй хөтөлбөр :
    • Дуулах   урлаг мэргэжлээр     2004 онд    /БАКЛАВР/
    • Жүжиглэх урлаг мэргэжлээр  2008 онд    /БАКЛАВР/
    • Хөгжмийн урлаг мэргэжлээр  2008 онд   /БАКЛАВР/
    • Бүжиглэх урлаг  мэргэжлээр  2016 онд   /БАКЛАВР/
    • Урлаг судлал мэргэжлээр        2015 онд    /МАГИСТР/
    • Дуулах урлагийн мэргэжлээр  2015          /МАГИСТР/
    • Урлаг судлал хөтөлбөрөөр      2019 онд    /ДОКТОР/

Урлагийн сургууль нь  Монголын шилдэг их дээд сургууль болон ХБНГУ, ОХУ, БНСУ, АНУ, Казкастан  зэрэг орнуудад мэргэжил эзэмшсэн, өндөр боловсрол бүхий, чадварлаг уран бүтээлч, багшлах боловсон хүчинтэй мөн стандартад нийцсэн сургалтын таатай орчин, мэргэжлийн зал, анги танхимуудтай,  арвин туршлага бүхий хамт олон билээ.

СИС-Урлагийн сургууль нь  анх удаа “ЕСҮС ХРИСТ СУПЕР ОД”, “МУУРНУУД”, “ЖОЗЕФ БА ТҮҮНИЙ МӨРӨӨДЛИЙН ХҮРЭМ”, “ПАРИСИЙН ДАРЬ ЭХИЙН СҮМ” зэрэг дэлхийд алдартай мюзиклүүдийг Монголын тайзнаа амжилттай тоглосон бөгөөд маш олон дэлгэцийн болон театрын бүтээл, төслүүдэд мэргэжлийн уран бүтээлч, байгуулагуудтай хамтарч оролцон эдүгээ хүртэл үйл ажиллагаа нь өргөжин тэлсээр байна. Мөн  багш, оюутануудыг  ОХУ-ын ГИТИС, Кемеров хотын СУИС, Санкт-Петербург хотын Урлагийн их сургууль, Улан-Үдэ хотын Дорнод Сибирийн урлагийн их сургууль, Солонгос улсын Эвоны их сургууль  зэрэг урлагийн сургуулиудад дадлага хийлгэх, олон улсын тэмцээнд оролцуулах зэрэг үйл ажиллагааг амжилттай зохион байгуулж   ирэв.

Тус  сургуулийн мэргэжлийн  ангиудад өөрийн орны болон, ОХУ, БНХАУ, Япон, Бельги зэрэг орнуудаас оюутнууд ирж суралцдаг нь бид бүхний нэр төрийн баталгаа болдог. Тус сургуулийн хөгжимдөх урлагийн мэргэжлийн оюутан багш нар дэлхийн сонгодог хөгжмийн өлгий болсон Австри улсын Шубертын нэрэмжит Урлагийн Академитай хамтран “Морин хуур” хөгжмийн мэргэжлээр хамтарсан хөтөлбөр хэрэгжүүлэхээр шамдан ажиллаж байгаа нь, Монгол улсын хөгжмийн урлагийн түүхэнд нэгэн шинэ хуудас нээнэ гэдэгт бид гүнээ итгэж байна.

Манай сургуульд гадаадын мэргэжилтнүүд уригдан ирж ажиллаж байна. 2015 оноос  ОХУ- аас Виктор Васильевич Мирошниченко, Япон улсын мэргэжилтэн Окуяама Юми, 2017 оноос АНУ- аас англи хэлний багш Melissa Smith, ОХУ-ын мэргэжилтэн Людмила Волкова нар ирж ажиллаж байгаа нь оюутан залуусын хэлний мэдлэг дээшилж,  дэлхийн улс орнуудтай мөр зэргэцэн үйл ажиллагаагаа явуулах таатай боломж бүрдэж байна.

Сити их сургуулийн-Урлагийн сургуулийг төгссөн олон арван төгсөгчид нь өөрийн эх орны болон дэлхийн улс гүрнүүдэд эзэмшсэн мэргэжлээрээ үр бүтээлтэй, амжилттай ажилласаар байна.