БИЗНЕСИЙН  СУРГУУЛЬ

1998 онд СИТИ их сургууль /хуучин нэрээр Монголжингоо/ байгуулагдахад нээгдсэн 3 мэргэжлийн нэг нь “Үйлчилгээний менежмент” байсан бөгөөд 17 оюутан элсэн орсноор үйл ажиллагаагаа эхэлсэн түүхтэй. Анх Монгол улсын Ерөнхий сайд агсан П.Жасрай, эдийн засгийн ухааны доктор Н.Цэрэнпил, Н.Нацагдорж нарын нэр хүндтэй хүмүүс багшилж, оюуны хөрөнгө оруулалт хийсэн юм. 2004 онд бие даан зохион байгуулагдсан Бизнесийн Удирдлагын тэнхим 2008 оны захирлын 01/02 тоот тушаалаар Бизнесийн Удирдлагын факультет, улмаар 2016 оны 01 дүгээр сарын 04- ний өдрийн захирлын 01 тоот тушаалаар Бизнесийн  сургууль болон өргөжсөн.

Манай багшлах боловсон хүчин гадаад, дотоодын нэр хүндтэй сургуулиудад магистр болон докторын зэрэг хамгаалсан багш нараас бүрдэж байна. Бид үндсэн багш нарын зэрэгцээ эдийн засаг, бизнесийн салбарын шилдэг мэргэжилтнүүдтэй хамтран ажилладаг. Тухайлбал: Монгол улсын Ерөнхий сайдын зөвлөх, Гавъяат эдийн засагч Д.Байлыхүү, УИХ гишүүн асан, Г.Төртогтох /Ph.D/, Бизнесийн удирдлагын МВА хөтөлбөрийн ерөнхий зохицуулагч П.Мөнхтогт нарын олон бүтээлч эрхэмүүдийг дурдаж болно.

Манай сургууль гадаадаас суралцагсдын тоог нэмэгдүүлэх, оюутан солилцоог эрчимжүүлэх ажлуудыг үе шаттайгаар хэрэгжүүлж байна. 2014 оноос Европын Холбооны дээд боловсролын тэтгэлэгт солилцооны Erasmus Mundus Mobility Asia /EMMA/ хөтөлбөрийн Монгол улс дахь түнш байгууллагаар сонгогдон ажиллаж, уг хөтөлбөрийн хүрээнд 2015-2016 онд 2 багш, 5 магистрант Франц, Итали, Польш улсуудад суралцсан бөгөөд 2018-2019 онд 2 оюутан, 3 магистрант, 1 докторант Франц улсад амжилттай суралцаж байна. 

2012 оноос магистрын сургалт, 2015 оноос докторын сургалт тус тус эрхлэн явуулах болсон бөгөөд улмаар цахим сургалтын хөтөлбөр хэрэгжүүлж, хөдөө орон нутаг болон гадаад улсад амьдарч буй монголчууддаа дээд боловсрол олгох зайны сургалтын системийг хэрэгжүүлж эхлээд байна.

Их сургууль, ААН байгууллагуудын хоорондын хамтын ажиллагааг өргөжүүлэх зорилгоор ажил олгогч, төгсөгч, сургуулийн гурвалсан үйл ажиллагааг танилцуулах сургалт,  ажлыг зохион байгуулж, өөрсдийн тавигдах шаардлагад нийцсэн боловсон хүчнийг бэлтгэн гаргах, ажлын дадлага, ур чадвар олгох бүх хэлбэрийг манай сургууль дэмжин ажиллаж байна. Энэ ч үүднээс Бизнесийн сургууль нь ажил мэргэжлийн чиг баримжаа олгох, хөдөлмөрт бэлтгэх зорилгоор байгууллагын үйл ажиллагаа, үйлдвэрлэлийн ажиллагаатай танилцах “дадлага аялал”-ыг зохион байгуулж ирсэн нь төгсөгчдийг ажлын байранд зуучлах болон ажлын ур чадварыг нэмэгдүүлэхэд ихээхэн ач холбогдол болж байна.

Бизнесийн сургуульд суралцсанаар бүх түвшний байгууллагын нягтлан, маркетингийн менежер, худалдааны менежер, банк санхүү, аялал, зочид буудал болон төрийн алба, бүх төрлийн үйлдвэрлэл, үйлчилгээний газруудад ажиллах боломжтойн дээр мэргэжлийн бус салбарт ч өрсөлдөх чадвартай мэргэжилтэн бэлтгэгдэх боломжтой юм.

 

БИЗНЕСИЙН СУРГУУЛИЙН  АМЖИЛТ

  • “Шинэтгэл” 2009, 2010, 2011 оны илтгэлийн тэмцээнд ДЭД байр, ШАГНАЛТ байр,
  • МЗХ-ны “Залуу удирдагч” сангаас зохион байгуулдаг “Эврика-2008”, 2009” эрдэм шинжилгээний бага хурлын “Байгалийн шинжлэх ухааны салбар”-ын ТЭРГҮҮН болон ТУСГАЙ байрын шагнал ,
  • Нийслэлийн Мэргэжлийн Хяналтын Газар болон СБД-ээс зохион байгуулсан “АСК“ тэмцээний ТЭРГҮҮН байр
  • “START  WEEKEND MONGOLIA” тэмцээнд ТЭРГҮҮН байр
  • TV5 телевизийн “ЭХЛЭХ ЦЭГ” реалити шоуны ШИЛДЭГ оролцогч
  • “GRAND TOUR” аялал жуулчлалын улсын олимпиадын үзэсгэлэнд 2010 онд 3-р байр, 2012 онд      ШАГНАЛТ байр, 2014 онд “АЯЛАЛ ЖУУЛЧЛАЛЫГ СУРТАЛЧЛАХ ҮЗЭСГЭЛЭН” төрлөөр 3-р байр,
  • 2012 онд “GRAND TOUR” эрдэм шинжилгээний хуралд ТЭРГҮҮН байр
  • GLOBAL STARTUP WEEKEND UNIVERSITY EDITION 2016-д ТЭРГҮҮН байр,
  • IT parkaas зохион явуулдаг PICH day тэмцээний 1-р байр
  • “АВЪЯАСЛАГ МОНГОЛЧУУД-2016” наадмын шилдэг оролцогч оюутан Н.Жамъянсүрэн
  • 2016-2017 оны хичээлийн жилийн МУ-ын Ерөнхийлөгчийн нэрэмжит тэтгэлэг-Б.Болдбаатар
  • 2019 оны “U-18” улсын аварга шалгаруулах тэмцээний шилдэг холбон тоглогч оюутан Э.Шаравжамц
  • 2018-2019 оны улирлын “ОЮУТНЫ ЛИГ”-ийн улирлын үнэ цэнэтэй тоглогч оюутан Т.Цогбадрах
  • 2017-2018 оны улирлын “ОЮУТНЫ ЛИГ”-ийн алсын зайн шидэлтийн  аварга, 2018-2019 оны дэд аварга оюутан М.Цэнгүүн

 

Манай төгсөгчдөөс:

Э. Ганзориг. 2015 онд зочид буудал, зоогийн газрийн менежментийн ангийг төгссөн. “Mongolian Gourmet &Catering” LLC-ийн менежер, “Unique Vista” рестораны зөвлөх менежер. Монголын  бартендэрийн холбооны зөвлөх гишүүн,  Монгол улсын шилдэг бартендэр, 2014 оны Германы “International Open Flair” олон улсын тэмцээний шилдэг оролцогч

 

 

Д.Ганга 2011 онд Маркетингийн ангийг төгссөн. “Bloomberg” телевизийн продюсер, UB Comedy клубын гишүүн

 

 

 

 

М.Намуунцэцэг 2018 онд Аялал жуулчлалын менежментийн ангийг төгссөн. “Титан эдвертайсмент” ХХК- компанийн захирал. “Монгол Модел” агентлагийн загвар өмсөгч, “Asia’s next top model” телевизийн шоуны шилдэг оролцогч

 

 

 

 

Т.Батчимэг 2018 онд Менежментийн ангийг төгссөн. ШШГЕГ-ийн харъяа “Сүлд” спорт хорооны тамирчин, хошууч, МУ-ын гавъяат тамирчин, шатрын олон улсын их мастер

 

 

 

БАКАЛАВРЫН СУРГАЛТ

 Бизнесийн удирдлагын тэнхим

– Менежмент

– Маркетинг

– Нягтлан бодох бүртгэл

-Худалдаа

Эчнээ, оройн ангийн сургалт /2,5-4,5 жил/

– Менежмент

– Нягтлан бодох бүртгэл

Магистр /1,5 жил/

– Бизнесийн удирдлага

Доктор /3 жил/

– Бизнесийн удирдлага

– Хотын удирдлага

 

Аялал жуулчлалын тэнхим

– Зочлох үйлчилгээ /Зочид буудал, зоогийн газар/

– Аялал жуулчлалын менежмент

– Агаарын тээврийн үйлчилгээ  /БНСУ-ын Уюдук их сургуультай хамтарсан 2+2 хөтөлбөр/

Магистр /1,5 жил/ удирдлага

– Аялал жуулчлалын менежмент