ГОЛОМТ БАНКНЫ ОЮУТНЫ ТЭТГЭЛЭГТ ХӨТӨЛБӨР

Сайн сайхныг санхүүжүүлэгч, боловсролыг дэмжигч Голомт банкны оюутны тэтгэлэгт хөтөлбөрт “СИТИ” Их сургуулийн оюутнууд хамрагдах боломжтой байдаг.

Монгол Улсад анх удаа бизнесийн байгууллагуудаас нийгмийн хариуцлагын хүрээнд санаачилсан тус хөтөлбөр нь өдгөө 16 дахь жилийнхээ ойтой золгож буй бөгөөд энэ хугацаанд нийт 1300 оюутанд тэтгэлэг олгон сурах хүсэл эрмэлзэлд нь хөрөнгө оруулжээ. Голомт банкны оюутны тэтгэлэгт хөтөлбөрт шалгарсан оюутан бүтэн жилийн турш тэтгэлэг авахаас гадна Голомт банкны судлаач оюутны багт ажиллах, цаашлаад сургуулиа төгсөөд тус банканд ажиллах боломжтой болдгоороо томоохон ач холбогдолтой юм.

Тэтгэлэгт хамрагдахын тулд Магадлан итгэмжлэгдсэн их, дээд сургуулийн өдрийн ангийн 3 болон 4 дүгээр курсын суралцагч байх үндсэн шаардлагыг тавьж байгаа ба оюутнуудын материалыг Голомт банкны Төв оффист болон цахим хаягаар хүлээн авдаг.

Бүрдүүлэх материал:

  • Сургуулийн тодорхойлолт
  • Дүнгийн тодорхойлолт
  • 1 хувь цээж зураг
  • Албан шугамаар өөрийгөө сайн мэдэх 2 хүний тодорхойлолт
  • “Тогтвортой хөгжилд залуусын оролцоо” сэдвээр 200-аас доошгүй үгтэй эсээ бичих
  • Гаргасан амжилт болон олон нийтийн үйл ажиллагаанд оролцож байсныг гэрчлэх баримтуудын хуулбар /нотариатаар баталгаажуулсан байх/

Өргөдөл хүлээн авах:

  • Цаасаар: Голомт банкны төв байрны 1 давхарт харилцагчийн зөвлөхөд хүлээлгэн өгнө.
  • Цахим хэлбэрээр: https://student.golomtbank.com/#/ холбоосоор орж анкет бөглөнө.

 Шалгаруулалт хэрхэн явагдах:

1-р үе шат: Материал хүлээн авах

2-р үе шат: Бүлгийн сонгон шалгаруулалт

3-р үе шат: Ганцаарчилсан ярилцлага

4-р үе шат: Ёслолын арга хэмжээ

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн