Гадаад харилцаа

Гадаад харилцаа

Сити их сургууль өнөөдрийн байдлаар Орос, Хятад, Солонгос, Япон, Филиппин, Сингапур, Франц улсын 20 гаруй их, дээд сургуультай хамтын ажиллагааны гэрээтэй ажиллаж байгаа ба олон улсад өөрийн гэсэн байр суурьтай, амжилттай яваа сургуулиудын нэг юм. Манай түншүүдийн дотор Сингапур улсын Наньяны технологийн их сургууль (https://www.ntu.edu.sg/Pages/home.aspx) , Солонос улсын Пусаны их сургууль (https://www.pusan.ac.kr/eng/Main.do)  зэрэг улсдаа төдийгүй тив, дэлхийн хэмжээнд эрэмбэлэгддэг сургуулиуд байдаг. Энэ нь манай сургуулийг олон улсын тавцанд ямар нэр хүндтэй байдгийг харуулж байна.

Манай сургууль гадаадын их, дээд сургуулиудтай:

  • Харилцан туршлага судлах зорилгоор оюутан, багш солилцох;
  • Сургалтын хамтарсан хөтөлбөр боловсруулах, хэрэгжүүлэх;
  • Багш, ажилтнуудад судалгааны ажил эрхлэх боломж, нөхцөлийг нэмэгдүүлэх;
  • Сургалтын хөтөлбөрийн мэргэжил, чиглэлээр хамтарсан судалгааны ажил хийх, холбогдох мэдээллийг харилцан солилцох;

зэргээр хамтран ажилладаг.

Манай сургуулийн оюутнууд “ 2+2”, “хос диплом” зэрэг хөтөлбөрт хамрагдан гадаадын их , дээд сургуулиудад суралцах боломжтой ба энэ хичээлийн жилд дараах хамтарсан хөтөлбөрүүдэд суралцахыг санал болгож байна.

Үүнээс гадна, манай сургууль гадаадаас суралцагчын тоог нэмэгдүүлэх, оюутан солилцоог эрчимжүүлэх ажлуудыг үе шаттайгаар хэрэгжүүлдэг. Урлагийн сургуульд ОХУ, БНХАУ, Япон, Бельги зэрэг орнуудаас оюутнууд ирж суралцаж байна. Төгсөөд гадаад, дотоодын шилдэг их дээд сургуульд суралцах шалгуур, нөхцөлийг хангах үндсэн зорилготойгоор оюутнууддаа англи хэлний эрчимжүүлсэн сургалт явуулж байна. Оюутнууд мөн тавигдасан шаардлага, хэлний түвшинг ханган хамтрагч сургуулиудын бүрэн тэтгэлэгт хөтөлбөрт хамрагддаг.

Мэргэжлийн нэр  Суралцах хугацаа Зэрэг
Зочлох үйлчилгээ, Онгоцны үйлчлэгч БНСУ-ын Уюдук их сургуультай хамтарсан 2+2 хөтөлбөр Бакалавр
Аялал, агаарын тээврийн үйлчилгээний менежмент БНСУ-ын Уюдук их сургуультай хамтарсан 2+2 хөтөлбөр Бакалавр

Олон улсын төсөл, хөтөлбөрүүдэд идэвхтэй оролцдог. Тухайлбал, 2014 оноос Европын Холбооны дээд боловсролын тэтгэлэгт солилцооны ERAMUS MUNDUS MOBILITY ASIA /EMMA/ хөтөлбөрийн Монгол улс дахь түнш байгууллагаар сонгогдон ажиллаж, уг хөтөлбөрийн хүрээнд 2015-2016 онд Франц, Итали, Польш улсуудад хоёр багш, таван магистрант амжилттай суралцсан. 2013 оноос Европын Холбооны “Дээд боловсролын тэтгэлэгт солилцооны Eramus Mundus”, 2016 оноос “Их сургууль, бизнесийн байгууллагын түншлэлийг бэхжүүлэх Erasmus +” төслүүд тус тус амжилттай хэрэгжүүлсэн байна.Багшлах бүрэлдэхүүн магистраас дээш зэрэгтэй бөгөөд 2017 онд Монгол дахь “FARO” International Educashion Group- ийн олон улсад багшлах эрхийн сургалтыг амжилттай дүүргэсэн англи хэлний багш нар ажиллаж байна. АНУ, Япон, БНСУ- аас багш нар ирж ажилладаг.

2018-2019 хичээлийн жилд Франц улсын Нице Софиа Антиполис их сургуультай хийсэн гэрээний дагуу 4 оюутан, 3 багш солилцоогоор очиж, мэргэжлийн мэдлэг, чадвараа дээшлүүлээд ирлээ. Ирэх хичээлийн жилд энэ солилцоо үргэлжлэх бөгөөд магистрын зэргийн 2 оюутан Франц улсын Нице хотын Кот дэ Азур их сургуульд суралцах боломжтой.

Өнөөдөр, барилга, арихтектурын мэргэжлээр Хятад улсын Бээжин хотын Барилга, архитектурын сургуульд “3+1+2” хөтөлбөрөөр суралцах талаар судалгаа хийгдэж байна.