СИТИ ИХ СУРГУУЛЬ

Бидний тухай

“СИТИ” Их сургууль 1998 онд байгуулагдсан. Бакалавр, магистр, докторын түвшний сургалт, эрдэм шинжилгээний үйл ажиллагаа явуулдаг.

УриаМэдлэг бол хүч, эрх чөлөө

1998БайгуулагдсанУлаанбаатар

3,000+Оюутны тооБакалавр, Магистр, Доктор

40+Хөтөлбөрүүд6 салбар сургуульд

6Бүрэлдэхүүн сургуульАхисан түвшний сургууль мөн ажилладаг

40+Түнш их сургуулиудДэлхий даяар

#763UI GreenMetric 20251,745 их сургууль · 105 улс

1998 — 2025

Түүхэн замнал

Сургалт, судалгааны үйл ажиллагааны хөгжлийн гол үйл явдлууд.

01 / 101998

1998

Үүсгэн байгуулагдав

Гэгээрлийн сайдын 182 дугаар тушаалаар “Монголжингоо” нэртэйгээр анхны 300 оюутантай байгуулагдсан.

Бүх үйл явдлыг харах

1998
Үүсгэн байгуулагдав
Гэгээрлийн сайдын 182 дугаар тушаалаар “Монголжингоо” нэртэйгээр анхны 300 оюутантай байгуулагдсан.
2005
Анхны магадлан итгэмжлэл
Боловсролын магадлан итгэмжлэх үндэсний зөвлөлөөр магадлан итгэмжлэгдсэн.
2010
Магадлан итгэмжлэл, сургалтын орчин
Байгууллагын магадлан итгэмжлэлд хоёр дахь удаа хамрагдсан. Архитектур, дизайны сургууль байгуулагдаж, зориулалтын хичээлийн байр ашиглалтад орсон.
2012
Яамны аттестатчилал
Боловсрол, шинжлэх ухааны яамнаас аттестатчилагдсан.
2014
ERASMUS хөтөлбөр
Европын Холбооны санхүүжилттэй ERASMUS хөтөлбөрийн хэрэгжилт эхэлсэн.
2018
Олон улсын түншлэл
Гадаадын таван их сургуультай оюутан солилцоо, хос дипломын чиглэлээр хамтын ажиллагааны гэрээ байгуулсан.
2021
Ахисан түвшний сургалт, судалгаа
Ахисан түвшний сургууль байгуулагдаж, CITI SCIENCE эрдэм шинжилгээний сэтгүүлийг эрхлэн гаргаж эхэлсэн.
2023
DIGITAL MOVE төсөл
Ази, Европын таван орны 12 их сургуулийг хамарсан төслийн ерөнхий зохицуулагчаар ажиллаж эхэлсэн.
2024
Магадлан итгэмжлэл, олон улсын үнэлгээ
Байгууллага дахин магадлан итгэмжлэгдэж, Олон улсын соёл судлалын хүрээлэн байгуулагдсан. THE нөлөөллийн чансаанд анх оролцож, 1501+ ангилалд эрэмбэлэгдсэн.
2025
Ногоон кампусын үнэлгээ
UI GreenMetric чансаанд оролцож, 105 орны 1,745 их сургуулиас 763 дугаар байранд эрэмбэлэгдсэн.

Эрхэм зорилго

Хүнлэг, соёлтой, насан турш суралцах чадвар, мэдлэг бүхий иргэнийг бэлтгэж, нийгэмд үнэ цэн бүтээнэ.

Алсын хараа

Дэлхийн боловсролыг Монголд эзэмших боломж олгож, Азийн тэргүүлэх их сургуулиудын нэг болно.

Олон улсын үнэлгээ

Чансаа, магадлан итгэмжлэл

1501+

Таймс Хайер Эдюкейшн (THE)

Нөлөөллийн чансаа — дэлхийн 2,318 их сургууль

2024 · Анх удаа оролцсон

#763

UI GreenMetric Дэлхийн их сургуулиудын чансаа

Монголоос анх удаа оролцсон — 105 орны 1,745 их сургууль

2025

MNCEA

Байгууллагын магадлан итгэмжлэл

Боловсролын Магадлан Итгэмжлэх Үндэсний Зөвлөл — 2005, 2010, 2024

Яамны аттестатчилал: 2012

Байгууллагын танилцуулга

Товч баримтууд

Ерөнхийлөгч: Цэмбэлийн БайгалмааХэл бичгийн ухааны доктор, профессор
Удирдах зөвлөлийн дарга: Дэмбэрэлцэрэнгийн Мөнх-Эрдэнэ
Үүсгэн байгуулагдсан: 1998
Байршил: Улаанбаатар, МонголОрчин үеийн лаборатори, студи, номын сан
Бэлгэдэл өнгө: СИТИ хөх, цагаан
Уриа: Мэдлэг бол хүч, эрх чөлөө

Мэргэжлийн болон ахисан түвшний сургалт

Бүрэлдэхүүн сургуулиуд

Сургалтын хөтөлбөрүүд

Магадлан итгэмжлэл

Байгууллагын магадлан итгэмжлэл: 2005, 2010, 2024 он. Яамны аттестатчилал: 2012 он.

Магадлан итгэмжлэлийн мэдээлэл

Ахисан түвшний сургууль
Магистр, докторын хөтөлбөрүүд
Бизнесийн сургууль
Менежмент, Санхүү, Эдийн засаг
Хүмүүнлэгийн сургууль
Гадаад хэл, Нийгмийн ухаан
Хууль зүйн сургууль
Эрх зүй, Хууль тогтоомж
Архитектур, дизайны сургууль
Архитектур, интерьер, график дизайн
Гоо сайхны шинжлэх ухааны сургууль
Гоо сайхны технологи, Судалгаа
Урлагийн сургууль
Тайзны урлаг

Их сургуулийн удирдлага

Ерөнхийлөгч, үүсгэн байгуулагч

Цэмбэлийн Байгалмаа

Хэл бичгийн ухааны доктор, профессор

Ц.Байгалмаа 1998 онд “СИТИ” Их сургуулийг үүсгэн байгуулсан. Их сургуулийн өдөр тутмын үйл ажиллагааг удирдан чиглүүлдэг.

Чиг үүрэг

Их сургуулийн стратеги төлөвлөгөө, чиглэл, хөтөлбөрийг санаачлан Удирдах зөвлөлөөр батлуулж, хэрэгжилтийг хангах.
Гадаад, дотоод хамтын ажиллагаа, түншлэлийг хөгжүүлэх; хамтарсан сургалт, хөтөлбөр, эрдэм шинжилгээ, судалгааны төсөл хэрэгжүүлэх гэрээ, хэлэлцээр байгуулж, хэрэгжилтийг хангах.
Санхүүжилт, хөрөнгө оруулалтын эх үүсвэрийг бүрдүүлж, санхүү, төсвийг үр дүнтэй төлөвлөж, зарцуулах.
Дээд боловсролын сургалтын байгууллагын чанарын удирдлагын үйл ажиллагааг хэрэгжүүлэх.

Удирдах зөвлөлийн дарга

Дэмбэрэлцэрэнгийн Мөнх-Эрдэнэ

Тэргүүн түшмэлийн гутгаар зэрэг

Д.Мөнх-Эрдэнэ банк, хууль зүйн болон төрийн захиргааны байгууллагад ажилласан. Төрийн албанд 21 жил ажилласан туршлагатай.

Ажилласан байдал

2004–2007
Голомт банкны Хуулийн хэлтсийн хуульч.
2007–2008
Хууль зүй, дотоод хэргийн яамны Хууль зүйн бодлогын газрын мэргэжилтэн.
2008–2013, 2014–2016
Засгийн газрын Хэрэг эрхлэх газрын Хууль, эрх зүйн газарт шинжээч, Засгийн газрын референт, газрын дарга.
2016–2018, 2021–2023
Нийслэлийн Засаг дарга бөгөөд Улаанбаатар хотын захирагчийн ахлах зөвлөх.
2023–2024
Хууль зүй, дотоод хэргийн сайдын зөвлөх.
2025.06
Засгийн газрын Хэрэг эрхлэх газрын Тэргүүн дэд даргаар томилогдсон.
2025.12
Хууль зүй, дотоод хэргийн дэд сайдаар томилогдсон.

Удирдах зөвлөлийн чиг үүрэг

Холбогдох хууль тогтоомжийн дагуу их сургуулийн урт, дунд, богино хугацааны хөгжлийн бодлого, төлөвлөгөө, дүрэм, журам, хөтөлбөрийг батлах, өөрчлөх.
Их сургуулийн бүтэц, зохион байгуулалт, хөрөнгө оруулалт, тухайн жилийн төсвийг баталж, зарцуулалтад хяналт тавих.
Аж ахуйн нэгж, байгууллага, иргэдээс хандив, тусламж авах журам тогтоож, зарцуулалтад хяналт тавих.

Захиргааны зөвлөл

Ерөнхийлөгчийн дэргэд ажиллаж, сургуулийн хөгжлийн бодлого, стратеги, төлөвлөгөөний талаар санал боловсруулах, зөвлөх үүрэгтэй.

Захиргааны зөвлөлийн даргаЦэмбэлийн БайгалмааЕрөнхийлөгч, үүсгэн байгуулагч

Зөвлөлийн бүрэлдэхүүн

Дэд ерөнхийлөгч
Сургалт эрхэлсэн захирал
Эрдэм шинжилгээ эрхэлсэн захирал
Чанарын дотоод баталгаажуулалтын хэлтсийн дарга
Захиргаа удирдлага, багшийн хөгжлийн газрын захирал
Багшийн хөгжлийн бодлого, төлөвлөлтийн газрын дарга
Мэдээлэл технологийн газрын дарга
Гадаад харилцааны хэлтсийн дарга
Санхүүгийн хэлтсийн дарга
Маркетингийн хэлтсийн дарга
Номын сангийн дарга
Ахисан түвшний сургуулийн захирал
Бизнесийн сургуулийн захирал
Хүмүүнлэгийн сургуулийн захирал
Хууль зүйн сургуулийн захирал
Архитектур, Дизайны сургуулийн захирал
Гоо сайхны шинжлэх ухааны сургуулийн захирал
Урлагийн сургуулийн захирал

Олон улсын хамтын ажиллагаа

UMAP (Ази Номхон далайн орнуудын их сургуулиудын хөдөлгөөнт холбоо)-ны гишүүн "СИТИ" Их сургууль нь 7 гаруй орны 40 гаруй нэр хүндтэй их сургуулиудтай хамтын ажиллагааны гэрээ, санамж бичиг байгуулан ажилладаг.

2014 оноос Европын Холбооны санхүүжилттэй ERASMUS хөтөлбөрийг гурван удаа хэрэгжүүлсэн. 2023 оноос хоёр хөтөлбөрт оролцож, Ази, Европын таван орны 12 их сургуулийг хамарсан DIGITAL MOVE төслийн ерөнхий зохицуулагчаар ажиллаж байна.