Судалгаа

Сэдэв буюу гарчиг

Өгүүллийн гарчиг нь өгүүллийн гол санааг агуулсан товч, тодорхой, оновчтой томьёологдсон 12-оос дээшгүй үгэнд багтсан, Times New Roman, 11 pt, Bold, мөр голлон бичигдсэн байна. Бүлгийн гарчиг Times New Roman, 11 pt, эхний үсэг томоор, Bold, зүүн талдаа зэрэгцэн бичигдэнэ.

Зохиогчийн хаяг

Байгууллагын нэр, нэгжийн нэр, зохиогчийн овог, нэрийг товчлохгүй Times New Roman, 11 pt, баруун талд зэрэгцүүлэн бичнэ.

Хураангуй

Хураангуй нь судалгааны ажлын агуулгын гол утга санааг товч тодорхой, ойлгомжтой байдлаар илэрхийлсэн монгол хэл дээр 150 орчим үгээс бүрдэнэ. Хураангуйг Times New Roman дээр 11 pt үсгийн өндөртэйгөөр бичнэ.

Түлхүүр үг

Өгүүллийн утгыг илэрхийлж чадахуйц 8 хүртэлх нэр үг ба холбоо үг, зүүн талд зэрэгцүүлэн бичнэ. Өгүүллийн нэр орсон үг түлхүүр үгэнд орохгүй.

Удиртгал

Судалгааны арга, зорилго, зорилт, хэрэгцээ шаардлага, дэвшүүлж буй асуудал, таамаглал дэвшүүлсэн зэргийг дурдана.

Судалгааны арга зүй

Судалгааны хамрах хүрээ болон судалгааг ямар арга, аргачлалаар боловсруулсан, чанар, тоон үзүүлэлт бүхий статистик боловсруулалтын аргачлалыг бичнэ.

Судалгааны үр дүн, хэлэлцүүлэг

Энэхүү хэсэгт судлаач гаргасан үр дүнгээ баталгаатай логик, дэс дараалал сайтай, эмх цэгцтэй, ойлгомжтой бичнэ.

Дүгнэлт

Судалгааны ажлын үр дүнгээс ямар дүгнэлтэд хүрч байгааг шинжлэх ухааны үндэслэлтэй дүгнэж бичнэ.

Ном зүй

Ном зүйг APA форматын дагуу бичнэ.

Өгүүллийн хамгийн эцсийн шинэ хуудсанд (Англи хэл дээр)

• Сэдэв: 11-оос дээшгүй үгэнд багтсан, Times New Roman, 11 pt, Bold, мөр голлон.
• Зохиогчийн хаяг: Албан байгууллагын хаяг, овог, нэрийг Times New Roman, 11 pt, мөр голлон Англиар.
• Хураангуй: Англи хэл дээр 150–200 орчим үгээс бүрдэнэ.
• Түлхүүр үг: 4–6 нэр үг ба холбоо үг, Times New Roman, 10 pt, зүүн талд, Англиар.

А. Техник шаардлага

• ЭШӨ нь 297×210мм (A4) хэмжээтэй 10–15 хуудсанд багтсан байна.
• Өгүүллийг Microsoft Office Word программ ашиглан Times New Roman фонт, 11 pt үсгийн өндрийг сонгон бичнэ.
• A4 хэмжээний цаасан дээр хуудасны дээд, доод талаас 3 см, баруун, зүүн талаас 2.5 см зайг үлдээж бичнэ. Header, footer, командыг ашиглахгүй.
• Хүснэгт, зураг, график нь өгүүлэлд орсон дараалалаараа дугаарлагдана. Хүснэгт, зураг, графикийн гарчиг нь Times New Roman фонт дээр 11 pt үсгийн өндөртэйгөөр мөр голлон бичигдэнэ. Хүснэгт болон график доторх текстийн үсгийн өндөр Times New Roman фонт дээр 10 pt байна.
• Хүснэгтийн гарчиг болон доторх текст АНГЛИ хэл дээр бичигдэнэ.

Жишээ:

Table 2. Content removed from the didactic course of mathematics in primary education

• Эрдэм шинжилгээний өгүүлэл нь сэдвийн хүрээнд шинэлэг, импакт факторын үзүүлэлт бүхий сэтгүүлийн эрдэмтэн, судлаачдын бүтээлээс иш татаж, шинжилгээний тодорхой аргачлалыг хэрэглэсэн, судалгаа нь туршилт судалгаанд суурилсан, сэдвийн хүрээнд шинэлэг санааг дэвшүүлсэн, түүнийг судалгааны ажлын үр дүнгээр баталсан, ач холбогдол бүхий судалгаа байна.
• СИТИ Science сэтгүүлд хэвлэгдэх материал нь бусад эрдэм шинжилгээний сэтгүүлд хэвлэгдээгүй байх.
• Өгүүлэл дотор эшлэл [ ] хаалтаар авагдана.
• Эшлэл, ном зүйг APA загвараар бичиж гүйцэтгэсэн байна.

Шүүмжлэгч болон Ерөнхий редактороор хянагдан СИТИ Science сэтгүүлд хэвлэгдэхээр болсон өгүүллийн зохиогчид өгүүлэл хэвлэх үйл ажиллагааны зардал 200,000₮-ийг "СИТИ" Их сургуулийн дансанд төлсний дараа уг өгүүлэл сэтгүүлийн дугаарт хэвлэгдэнэ.

Өгүүллийг хэвлэлтэнд авсан гэсэн албан ёсны шийдвэр гарсан тохиолдолд л уг төлбөрийг төлөх бөгөөд өөр ямар ч төлбөр төлөгдөхгүй болно. Хэвлэлтэнд авахаас татгалзсан өгүүлэл төлбөр төлөхгүй.