2026 оны 1 дүгээр сарын 21–22-ны өдрүүдэд Турк улсын Истанбул хотноо зохион байгуулагдсан “International Conference on Education Law and Early Childhood Policies (ICELECP-26)” олон улсын эрдэм шинжилгээний хуралд Монгол Улсаас судлаачид онлайнаар оролцлоо.
Тус хурлын үеэр “Бага насны хүүхдийн хэл яриаг хөгжүүлэх сургалтын үр дүн” сэдэвт илтгэлийг Монгол Улсын гавьяат багш Ж.Батдэлгэр, “СИТИ” Их сургуулийн Хүмүүнлэгийн сургуулийн СӨБ-ын багш Х.Сандугаш нар хамтран гүйцэтгэж, эрдэм шинжилгээний өгүүлэл бичин олон улсын эрдэмтэн, судлаачдад танилцуулав.
Судалгаанд бага насны хүүхдийн хэл ярианы хөгжилд чиглэсэн сургалтын арга зүй, түүний үр нөлөөг шинжлэх ухааны үндэслэлтэйгээр дүгнэж, олон улсын судлаач, эрдэмтдийн анхаарлыг татсан ач холбогдол бүхий илтгэл боллоо.
