“СИТИ” Их сургууль, “Эрдэнэт цогцолбор” дээд сургууль, ХААИС-ийн Дархан хот дахь Агроэкологи, бизнесийн сургууль, “Оточ Манрамба” их сургууль хамтран цахим ур чадварыг хөгжүүлэх “Digital Move” сургалтыг зохион байгуулах гэж байна. Энэхүү сургалт нь Европын Холбооны санхүүжилтээр хэрэгжиж буй “Digital Move” төслийн хүрээнд жижиг дунд бизнес эрхлэгчдийн цахим боловсролыг дэмжиж, цахим инновацийн шинэ технологиудыг ашиглан шинэ бизнесийн загвар, бүтээгдэхүүн, үйлчилгээ бий болгох, цахим өөрчлөлтөд бэлдэх зорилготой юм.
Сургалт үнэ төлбөргүй бөгөөд 2025 оны 10 дугаар сарын 14, 15-ны өдрүүдэд цахимаар зохион байгуулагдана.
