2023 оны зургадугаар сарын 29–30-нд Дорнод аймагт болсон тус хуралд олон салбарын эрдэмтэн, судлаач, мэргэжилтнүүд оролцов. Шинжлэх ухааны академи болон тэргүүлэх их сургуулиудын профессорууд, Геологи, уул уурхайн ахмадын холбооны гишүүд, Дорнодын Монголын хайгуулчдын холбооны судлаачид, ОХУ болон БНХАУ-ын Өвөр Монголын Өөртөө Засах Орны их сургуулиудын эрдэмтэд оролцож, нийт 35 илтгэл хэлэлцүүллээ. “СИТИ” Их сургуулийн багш нар дараах илтгэлүүдийг танилцуулав: 1. Эрдэм шинжилгээ эрхэлсэн захирал, академич, шинжлэх ухааны доктор Ж.Тэмүүжин – “Дорнод аймагт цахилгаан станцын үнснээс нэмүү өртөг шингэсэн бүтээгдэхүүн гарган авах судалгааг хэрэгжүүлэх боломж”. 2. Доктор, дэд профессор А.Пүрэвдулам, дэд профессор Г.Алтантовч – “Аялал жуулчлалын хөгжлийн боломжийг судлах нь: Дорнод аймгийн жишээн дээр”. 3. Доктор Ц.Мөнхдэлгэр, доктор Б.Баянмөнх – “Ан агнуурын хууль тогтоомжийн тулгамдсан асуудал, хэрэглээ”. 4. Доктор, дэд профессор Б.Одонгэрэл – “Уул уурхай, ашигт малтмал олборлолт, газрын нөхөн сэргээлтийн тулгамдсан асуудал, шийдэл”. Тус оролцоо нь эрдэм шинжилгээний солилцоо, хэрэглээний судалгаагаар бүс нутгийн хөгжилд хувь нэмэр оруулах сургуулийн зорилтыг илэрхийлж байна.
Эх мэдээний архив
